Ceffyl a chert mewn gwrthdrawiad

Mae dau ddyn yn yr ysbyty ar ôl i lori fod mewn gwrthdrawiad gyda cheffyl a chert ar ffordd ddeuol.

Cafodd yr heddlu eu galw i gyffordd Rhydycar ar yr A470 ym Merthyr ychydig ar ol 09:00 ddydd Sadwrn.

Aed â'r ddau i Ysbyty Tywysog Charles ond bu'n rhaid difa'r ceffyl oedd wedi ei anafu'n ddifrifol.

Cafodd y ffordd ei chau am gyfnod er mwyn i ambiwlans awyr lanio, ond mae bellach wedi ailagor.

Mae Heddlu'r De yn apelio am dystion i'r digwyddiad.