Adran Dau: Macclesfield 1-1 Casnewydd
- Cyhoeddwyd
Padraig Amond yn rhoi Casnewydd ar y blaen
Er iddyng gael y dechreuad gorau posib roedd yn rhaid i Gasnewydd fodloni ar bwynt yn unig oddi cartref yn Macclesfield.
Fe wnaeth Padraig Amond roi'r Alltudion ar y blaen yn y munud agoriadol wrth iddo roi'r bêl drwy goesau'r golgeidwad Owen Evans.
Ond daeth y tîm cartref yn gyfartal wrth i bas Jay Harris ddod o hyd i Emmanuel Osadebe - wnaeth ganfod cefn y rhwyd.
Yn gynharach dydd Mawrth roedd ryddhad i gefnogwyr Casnewydd gyda'r newyddion fod y rheolwr Michael Flynn am aros gyda'r clwb.
Roedd nifer yn ei weld fel y ffefryn i gael ei benodi yn rheolwr ar Lincoln City.
Dywedodd y clwb: "Fe wnaeth bwrdd yr Alltudion roi caniatâd i Michael siarad gyda chlwb arall. Mae Michael wedi rhoi gwybod i ni fod y trafodaethau ar ben a'i fod yn ymroi i barhau yn ei swydd fel rheolwr Casnewydd."