Adran dau: Casnewydd 1-1 Caerwysg

Llwyddodd Casnewydd i sgorio o'r smotyn i sicrhau pwynt gartref yn erbyn Caerwysg sydd ar frig Adran dau.

Daeth gôl gyntaf y gêm wedi chwarter awr gyda Lee Martin yn sgorio i Gaerwysg gyda chyffyrddiad o gic gornel.

Fe gafodd Josh Sheenan ei dynnu i lawr yn y cwrt cosbi wedi 64 o funudau ac fe sgoriodd Tristan Abrahams o'r smotyn i unioni'r sgôr.

Fe orffennodd y gêm yn gyfartal gyda Chaerwysg yn parhau ar frig y tabl ac mae Casnewydd yn y chweched safle.