Adran 2: Casnewydd 2- 1 Scunthorpe United
- Cyhoeddwyd
Dyma oedd chweched gôl Padraig Amond (chwith) y tymor hwn
Mae tymor rhagorol Casnewydd yn parhau ar ôl iddyn nhw guro Scunthorpe yn Rodney Parade.
Josh Sheehan, gyda'i gôl gyntaf o'r tymor, a sicrhaodd y fuddugoliaeth i Gasnewydd a chadw'r pwysau ar y timau ar frig yr Ail Adran.
Rhoddodd Padraig Amond yr Alltudion ar y blaen ychydig cyn yr egwyl, ond yn fuan wedyn daeth camgymeriad gan amddiffynnwr Casnewydd Mark O'Brien, pan roddodd y bêl yn ei rwyd ei hun, gan unioni'r sgôr.
Mae Casnewydd yn drydydd ar ôl y fuddugoliaeth tra bod yr ymwelwyr dri safle o waelod yr adran.