Adran Dau: Casnewydd 0-1 Oldham
- Cyhoeddwyd
Siom chwaraewyr Casnewydd wedi gôl Zak Mills
Cafodd Casnewydd brynhawn siomedig wrth iddyn nhw golli yn Rodney Parade yn erbyn Oldham Athletic.
Dywedodd rheolwr Casnewydd, Mike Flynn bod y ddau dîm wedi chwarae'n wael ond bod yntau'n ysgwyddo'r cyfrifoldeb am berfformiad "dihyder" ei chwaraewyr ei hun.
Zak Mills wnaeth sgorio unig gôl y gêm a hynny reit ar ddiwedd yr hanner cyntaf.
Fe wnaeth Casnewydd chwarae ychydig yn well wedi'r egwyl ond ddim digon i boeni'r golwr, Zeus de la Paz.
Mae'r canlyniad yn golygu bod Casnewydd yn llithro dau safle yn y tabl i'r 11eg safle ar ôl colli tair gêm o'r bron yn y gynghrair.