Dafad yn creu trafferthion i yrwyr ar yr A55 ger Bangor

Ciwiau ar yr A55 ger Bangor fore Sadwrn

Roedd yna oedi i yrwyr yng Ngwynedd am gyfnod ddydd Sadwrn wedi i ddafad grwydro ar ffordd ddeuol yr A55.

Fe ddigwyddodd hynny wrth Gyffordd 11 ar gyrion Bangor tua 0900.

Roedd yn "anodd i ddal" y ddafad, yn ôl Traffig Cymru, a bu'n rhaid cau dwy lôn ddwyreiniol y ffordd am 40 munud.

Fe wnaeth swyddogion priffyrdd lwyddo yn y pen draw a chludo'r ddafad yng nghefn cerbyd cyn ailagor y ffordd.

Y ddafad yng nghefn cerbyd y swyddogion priffyrdd a lwyddodd i'w dal