Adran Dau: Casnewydd 1-1 Stevenage
- Cyhoeddwyd
Jamille Matt oedd sgoriwr gôl hwyr Casnewydd
Llwyddodd Casnewydd i achub pwynt gyda gôl hwyr gartref yn erbyn Stevenage yn Adran Dau.
Roedd Emmanuel Sonupe wedi rhoi Stevenage ar y blaen wedi 12 munud, cyn i Taylor Maloney a Padraig Amond fethu cyfleoedd i unioni'r sgôr.
Ond fe ddaeth achubiaeth yr Alltudion yn ystod yr amser ychwanegol am anafiadau ar ddiwedd y gêm, wrth i beniad Jamille Matt ganfod cefn y rhwyd.
Mae'r canlyniad yn dod a rhediad Casnewydd o bedair colled yn olynol yn y gynghrair i ben.