Adran Dau: Bolton 0-2 Casnewydd
- Cyhoeddwyd
Tristan Abrahams yn sgorio i Gasnewydd
Sgoriodd Tristan Abrahams ddwywaith yn yr ail hanner i sicrhau buddugoliaeth haeddiannol oddi cartref i Gasnewydd.
Mae'r Alltudion wedi codi i drydydd safle Adran Dau ar ôl curo Bolton 0-2.
Daeth y goliau wedi 54 a 63 o funudau - y ddau yn ganlyniad ergydion o agos wedi i'r golwr Billy Crellin fethu ag arbed ymdrechion gan Joss Labadie yn yr achos cyntaf, a Ryan Haynes.
Roedd Bolton yn meddwl eu bod wedi dod yn gyfartal cyn ail gôl Casnewydd, ond cafodd gôl Nathan Delfouneso ei wrthod wedi achos o lawio.
Mae Casnewydd â saith o bwyntiau wedi tair gêm wrth iddyn nhw baratoi i wynebu Newcastle United nos Fercher ym mhedwaredd rownd Cwpan y Gynghrair.