Adran Dau: Stevenage 0-1 Casnewydd

Llwyddodd Casnewydd i gadw'n agos at frig Adran Dau gyda buddugoliaeth yn erbyn Stevenage, i aros yn ail.

Sgoriodd Tristan Abrahams gic o'r smotyn yn gynnar yn yr hanner cyntaf ar ôl i Liam Shephard gael ei faglu gan Ben Coker.

Tarodd Danny Newton y trawst i Stevenage, ac fe arbedodd golwr Casnewydd Nick Townsend ymdrech agos gan Aramide Oteh.

Fe allai Brandon Cooper a Joss Labadie fod wedi ychwanegu at fantais Casnewydd wrth iddyn nhw sicrhau eu buddugoliaeth gyntaf erioed yn Stevenage.

Mae Casnewydd yn aros yn yr ail safle y tu ôl i Cambridge United ar wahaniaeth goliau, tra bod Stevenage i lawr i'r 18fed safle yn y tabl.