Adran Dau: Bradford 0-3 Casnewydd

Joss Labadie ar y dde yn brwydro am y bêl i Gasnewydd

Prin y gallai Casnewydd fod wedi dechrau'n well. O fewn y funud gyntaf yr oedd Twine wedi croesi o'r asgell a Mickey Demetriou wedi sgorio gydag ergyd o ddeunaw llath.

Bradford gafodd y cyfleon gorau yn yr hanner cyntaf ond heb lwyddiant.

Yna daeth Padraig Amond ar y cae i'r Alltudion fel eilydd wedi anaf i Saikou Janneh ac o fewn dwy funud roedd Amond wedi plannu'r bêl yng nghefn y rhwyd wedi croesiad Abrahams.

Fe ddaeth trydedd gôl drwy gic o'r smotyn gan Matty Dolan.

Gêm gyfforddus i Gasnewydd yn erbyn Bradford a Chasnewydd ar ben y gynghrair.