Enwau o'r het ar gyfer rownd gyntaf Cwpan FA Lloegr

Cafodd yr enwau eu tynnu o'r het ar gyfer rownd gyntaf Cwpan FA Lloegr 2020-21.

Dim ond un tîm o Gymru sydd yn y rownd gyntaf eleni, gan fod Wrecsam eisoes wedi colli yn y rowndiau rhagbrofol, a bydd Caerdydd ac Abertawe'n ymuno yn hwyrach yn y gystadleuaeth.

Casnewydd yw'r tîm hwnnw a doedd dim rhaid i gefnogwyr yr Alltudion ddisgwy yn hir i gael clywed eu tynged.

Casnewydd oedd yr ail enw allan o'r het.

Bydd ganddyn nhw daith oddi cartref i herio Leyton Orient yn y rownd gyntaf.

Bydd y gêm yn cael ei chwarae ar y penwythnos sy'n dechrau ar 7 Tachwedd.