Adran Dau: Casnewydd 2-1 Harrogate

Roedd peniad hwyr Brandon Cooper yn ddigon i sicrhau buddugoliaeth i Gasnewydd, a chynyddu eu mantais ar frig Adran Dau i bum pwynt.

Padraig Amond oedd y cyntaf i sgorio i'r tîm cartref yn dilyn chwarae medrus gan Joss Labadie a Liam Shephard.

Bu'n rhaid i Harrogate geisio ymdopi gyda 10 dyn yn unig ar ôl i Josh Falkingham gael ei hel o'r cae wedi 38 munud ag yntau wedi derbyn dau gerdyn melyn.

Llwyddodd yr ymwelwyr i unioni'r sgôr yn yr ail hanner gyda Dan Jones yn sgorio o gic gornel gan Will Smith.

Ond llwyddodd Cooper i hawlio'r tri phwynt i Gasnewydd yn y munudau olaf.