Adran Dau: Colchester 0-2 Casnewydd
- Cyhoeddwyd
Mae Casnewydd wedi codi i safleoedd y gemau ail gyfle yn Adran Dau wedi iddyn nhw drechu Colchester oddi cartref brynhawn Sadwrn.
Aeth yr ymwelwyr ar y blaen wedi hanner awr o chwarae, wrth i Joss Labadie rwydo heibio i'r golwr Shamal George.
Aeth tasg y tîm cartref hyd yn oed yn fwy anodd gyda chwarter awr yn weddill, wrth i Frank Nouble gael ei yrru o'r maes wedi iddo gael ail gerdyn melyn.
Llwyddodd yr Alltudion i gymryd mantais o hynny, gyda Pádraig Amond yn sgorio ychydig funudau'n ddiweddarach i ddyblu'r fantais.
Mae'r canlyniad yn golygu bod Casnewydd yn codi i'r chweched safle yn y tabl.