Adran Dau: Casnewydd 2-1 Bradford
- Cyhoeddwyd
Fe wnaeth cic o'r smotyn ar ddiwedd y gêm roi hwb i obeithion Casnewydd o sicrhau dyrchafiad i'r Adran Gyntaf.
Golygai'r fuddugoliaeth fod Casnewydd yn codi i'r chweched safle.
Cafodd y gêm ei chwarae yng Nghaerdydd oherwydd bod Casnewydd yn anfodlon gyda chyflwr cae Rodney Parade, cartref clwb rygbi'r ddinas.
Yr ymwelwyr aeth ar y blaen gyda Andy Cook yn manteisio ar bas wan gan Priestley Farquharson.
Daeth Casnewydd yn haeddiannol gyfartal 13 munud cyn y diwedd gyda chic rydd bwerus Matt Dolan o 25 llath.
A Dolan oedd arwr Casnewydd yn y munud olaf o'r amser sy'n cael ei ganiatáu am anafiadau.
Sgoriodd Dolan o'r smotyn a'r ôl i'r dyfarnwr benderfynu fod yna lawiad yn y blwch cosbi.