Pennu dyddiad achos lofruddiaeth Doc Penfro

Cafodd corff Judith Rhead ei ganfod mewn eiddo yn Noc Penfro ar 20 Chwefror

Mae dyddiad wedi ei bennu ar gyfer achos llys dyn sydd wedi ei gyhuddo o lofruddio menyw yn Sir Benfro.

Bydd yr achos yn erbyn Dale Morgan, sy'n 43 oed ac o Neyland, yn dechrau ar 4 Hydref.

Cafwyd hyd i Judith Rhead, oedd yn 68 oed, yn farw mewn eiddo yn Stryd y Farchnad, yn Noc Penfro ar 20 Chwefror.

Cafodd y diffynnydd ei ddychwelyd i'r ddalfa yn dilyn y gwrandawiad yn Llys Y Goron Abertawe.