Adran Dau: Salford 3-0 Casnewydd

Fe wnaeth Tyreik Wright sgorio i Salford o fewn munud o'r gic gyntaf

Mae dechrau cymysg Casnewydd i'r tymor newydd yn parhau wedi iddyn nhw gael cweir yn Salford ddydd Sadwrn.

Cafodd Casnewydd y dechrau gwaethaf posib wrth i Tyreik Wright sgorio i'r tîm cartref o fewn munud o'r gic gyntaf.

Aeth pethau o ddrwg i waeth wedi 18 munud gyda Conor McAleny yn dyblu mantais Salford, cyn i Ian Henderson ychwanegu trydedd o fewn hanner awr.

Er i'r Alltudion wella yn yr ail hanner, roedd y tîm cartref eisoes wedi gwneud mwy na digon i selio'r fuddugoliaeth.