Adran Dau: Casnewydd 4-0 Harrogate

Roedd Casnewydd yn rheoli'r gêm yn llwyr yn erbyn Harrogate yn yr ail adran brynhawn Sadwrn.

Daeth y gôl gyntaf wedi cic o'r smotyn i Mickey Demetriou wedi i Dominic Telford gael ei faglu a hynny ar ôl wyth munud yn unig.

Yna fe sgoriodd Telford ddwywaith bob ochr i'r egwyl hanner amser.

Fe hefyd a greodd y bedwaredd gôl gan fwydo Courtney Baker-Richardson o flaen y gôl.

Roedd hi'n bedair i ddim ar ôl llai nag awr o chwarae.

Felly buddugoliaeth gyffyrddus iawn i'r Alltudion sy'n golygu eu bod wedi codi i'r pumed safle yn yr ail adran.