Adran Dau: Northampton 1-0 Casnewydd
- Cyhoeddwyd
Cameron Norman yn ennill y bêl gan chwaraewr Northampton, Jack Sowerby.
Roedd hi'n noson siomedig i Gasnewydd yn Stadiwm Sixfields gyda sawl cerdyn melyn a methiant i gyrraedd cefn y rhwyd.
Roedd Sam Hoskins yn agos i agor y sgorio i Northampton wedi 35 munud, ond roedd Scot Bennett yno i'w rwystro.
Ond gwelwyd mwy o gardiau melyn na goliau, gyda'r ddau dîm yn ei chael hi'n anodd i greu cyfleon.
Gyda hynny roedd peniad Fraser Horsfall o gic cornel, gyda ond 10 munud i fynd, yn ddigon i sicrhau'r triphwynt.
Gyda Northampton yn codi i drydydd yn y tabl, mae Casnewydd yn parhau yn y safleoedd ail-gyfle ond yn syrthio i'r seithfed safle.