Adran Dau: Casnewydd 1-1 Mansfield

Mae Casnewydd wedi disgyn o safleoedd y gemau ail gyfle yn Adran Dau yn dilyn gêm gyfartal gyda Mansfield ddydd Sadwrn.

Bu'n rhaid disgwyl 68 munud am gôl gynta'r gêm, gydag ergyd Stephen McLaughlin i'r ymwelwyr yn gwyro oddi ar yr amddiffynnwr Josh Pask i gefn y rhwyd.

Ond daeth hwb i obeithion Casnewydd ychydig funudau'n ddiweddarach pan welodd John-Joe O'Toole gerdyn coch i Mansfield am ei ran mewn ffrwgwd.

Gyda 10 munud yn weddill fe lwyddodd Dom Telford i rwydo o'r smotyn er mwyn ei gwneud hi'n gyfartal yn dilyn achos o lawio yn y cwrt cosbi.

Mae'r canlyniad yn golygu fod yr Alltudion yn disgyn i'r wythfed safle yn Adran Dau.