Adran Dau: Caerliwelydd 1-2 Casnewydd
- Cyhoeddwyd
Agorodd Mickey Demetriou y sgorio wedi ond 15 munud
Mae Casnewydd yn parhau yn drydydd yn Adran Dau diolch i fuddugoliaeth oddi cartref yng Nghaerliwelydd nos Fawrth.
Er y daith hir i Cumbria, Casnewydd agorodd y sgorio wedi 15 munud wrth i groesiad Matt Dolan ddarganfod pen Mickey Demetriou.
Roedd y tîm cartref yn dod mewn i'r gêm yn dilyn pedair buddugoliaeth yn olynol.
Ond dyblodd yr Alltudion eu mantais wedi 65 munud diolch i ergyd Finn Azaz.
Er hynny, mewn gêm digon agos o ran meddiant a chyfleon, sicrhaodd y tîm cartref ddiweddglo cyffrous diolch i Omari Patrick.
Ond llwyddodd Casnewydd i weld allan y gêm a chadw eu lle yn y safleoedd dyrchafu.