Adran Dau: Casnewydd 2-3 Hartlepool
- Cyhoeddwyd
Roedd hi'n noson siomedig i Gasnewydd wrth iddyn nhw golli i Hartlepool o 2-3 yn Adran Dau.
Casnewydd wnaeth gipio gôl gyntaf y gêm wedi 16 munud - ond roedd yn rhaid diolch i Omar Bogle o Hartlepool am hynny, wrth iddo sgorio gôl i rwyd ei hun.
Llwyddodd Jamie Sterry i unioni'r sgôr i Hartlepool wedi 35 munud, ac yn sgil gôl ychwanegol gan Luke Molyneux yr ymwelwyr oedd ar y blaen o 2-1 erbyn hanner amser.
Er i Robert Street adfywio gobaith Casnewydd gyda gôl wedi 71 munud, ddwy funud yn ddiweddarach llwyddodd Neill Byrne i adennill y fantais i Hartlepool.