Adran Dau: Swindon 0-1 Casnewydd

Casnewydd yn codi i blith timau gemau'r ail gyfle wedi iddyn drechu Swindon yn Adran Dau

Dau dîm o fewn trwch blewyn i'w gilydd oedd yn chwarae yn Swindon yn Adran Dau brynhawn Sadwrn.

Mae'r ddau dîm yn gwneud eu gorau i gyrraedd gemau'r ail gyfle ond er awydd y ddau dîm methu cael yr oruchafiaeth oedd trafferth y naill a'r llall gydol y gêm.

Ond yn y funud olaf o'r 90 fe lwyddodd yr Alltudion i fynd ar y blaen wedi i Dion Conroy roi'r bêl yn ei rwyd ei hun.

Mae Casnewydd felly wedi codi i blith timau gemau'r ail gyfle ac yn seithfed yn Adran Dau.