Adran Dau: Casnewydd 0-2 Rochdale
- Cyhoeddwyd
Cameron Norman a Stephen Dooley yn cystadlu am y bêl ar Rodney Parade
Gorffen y tymor yn yr 11eg safle fydd tynged Casnewydd ar ôl colli gartref brynhawn Sadwrn.
Roedd hi'n ymddangos mai ond gôl fyddai ynddi wrth i gyn chwaraewr Wrecsam, Matty Done, rwydo wedi 16 munud.
Ond daeth ail i'r ymwelwyr yn ystod amser ychwanegol diolch i Abraham Odoh.
Y tîm cartref welodd y mwyaf o'r bel yn ogystal a chyfleon, ond ni lwyddodd Yr Alltudion i ddarganfod cefn y rhwyd er mawr siom y cefnogwyr cartref.
Daeth eu cyfle gorau gyda ergyd Finn Azaz yn taro'n erbyn y postyn yn fuan yn yr ail hanner.
Yr wythnos hon welwyd adroddiadau yn y wasg yn cysylltu'r rheolwr, James Rowberry, gyda swydd QPR.
Ond gyda Rowberry yn dweud ei fod am aros gyda Chasnewydd y tymor nesaf, mae'n ymddangos bod haf o ail adeiladu o'i flaen.