Adran Dau: Casnewydd 1-2 Stockport County
- Cyhoeddwyd
Daeth Will Evans yn agos at sgorio yn ystod munudau ychwanegol y gêm
Colli wnaeth Casnewydd yn erbyn Stockport County yn Adran Dau ddydd Sadwrn gan ildio'r fantais o sgorio gôl gyntaf y gêm.
Roedd Aaron Lewis wedi eu rhoi ar y blaen ar ddiwedd yr hanner cyntaf ar ôl cysylltu'n effeithiol â phàs isel Omar Bogle ar draws y cwrt chwech.
Ond daeth yr ymwelwyr yn gyfartal yn fuan yn yr ail hanner diolch i gic rydd ryfeddol Chris Hussey o'r ystlys i gornel bellaf y rhwyd.
Seliodd Paddy Madden y fuddugoliaeth gyda foli i'r rhwyd gyda rhyw chwarter awr ar ôl ar y cloc.
Er ymdrechion da wedi hynny, gan Bogle a Will Evans, doedd dim taro'n ôl i fod ac mae Casnewydd o'r herwydd yn llithro i 19fed safle'r tabl.