Adran Dau: Rochdale 1-1 Casnewydd
- Cyhoeddwyd
Adam Lewis (dde) sgoriodd unig gôl yr Alltudion ar ddechrau'r ail hanner
Mae rhediad sigledig Casnewydd yn parhau, wedi iddyn nhw gael gêm gyfartal oddi cartref yn Rochdale brynhawn Sadwrn.
Aeth y tîm cartref ar y blaen wedi ychydig dros hanner awr, gyda Devante Rodney yn rhwydo gydag ergyd o ymyl y cwrt cosbi.
Ond roedd yr Alltudion yn gyfartal ar ddechrau'r ail hanner, wrth i Adam Lewis grymanu cic rydd i'r cwrt cosbi, ac fe aeth y bêl yn syth i'r rhwyd wrth y postyn pellaf heb gyffyrddiad gan unrhyw un.
Mae'r canlyniad yn golygu fod Casnewydd yn aros yn y 18fed safle yn Adran Dau.