Adran Dau: Hartlepool 0-1 Casnewydd
- Cyhoeddwyd
Roedd gôl hwyr Mickey Demetriou yn ddigon i sicrhau triphwynt gwerthfawr oddi cartref i'r Alltudion nos Fawrth.
Ond dyfnhau mae pryderon Hartlepool wrth i'r tîm cartref fethu a chreu'r un cyfle o bwys ar domen eu hunain.
Er hanner cyntaf siomedig gwella wnaeth tim Graham Coughlin wedi'r egwyl, gyda'u gwobr yn dod diolch i beniad hwyr Demetriou o gic cornel gyda 91 munud ar y cloc.
Mae'r fuddugoliaeth yn golygu fod Casnewydd yn codi i'r 16eg safle - 11 pwynt yn glir o safleoedd y cwymp allan o'r Gynghrair Bêl-droed.