Adran Dau: Grimsby 1-1 Casnewydd
- Cyhoeddwyd
Mae'r amddiffynnwr Priestley Farquharson (chwith) wedi sgorio deirgwaith yn y gynghrair ers dechrau'r tymor
Llwyddodd Casnewydd i fachu pwynt oddi cartref wedi i'r amddiffynnwr Priestley Farquharson ddod â nhw'n gyfartal gyda Grimsby yn yr ail hanner.
Roedd John McAtee (36) wedi rhoi'r tîm cartref ar y blaen gyda foli penigamp ar ôl gwneud y mwyaf o hanner cyfle.
Ond fe gysylltodd Farquharson â chic gornel gan gyfeirio'r bêl i'r rhwyd o'r postyn pellaf wedi 55 o funudau.
Golyga'r canlyniad bod yr Alltudion wedi sicrhau pwynt wedi dwy golled yn olynol yn Adran Dau.
Maen nhw yn 18fed safle'r tabl gyda 38 o bwyntiau, dau safle'n is na Grimsby.