Parc gwyliau Pontins ym Mhrestatyn i gau ar unwaith

Parc gwyliau Prestatyn yw un o'r chwech o barciau sydd gan Pontins yn y DU

Mae perchnogion parc gwyliau yng ngogledd Cymru wedi cyhoeddi eu bod am gau'r safle yn syth.

Dywedodd Pontins bod y safle ym Mhrestatyn, Sir Ddinbych yn cau "ar unwaith".

Cyhoeddodd y cwmni y bydd parc arall yn Camber Sands yng ngorllewin Sussex hefyd yn cau yn syth.

Ar eu gwefan, dywedodd Pontins: "Byddwn yn cysylltu â chwsmeriaid sydd wedi eu heffeithio gan y cyhoeddiad a byddent yn cael eu had-dalu.

"Rydym yn ymddiheuro am unrhyw anghyfleustra sydd wedi ei achosi."