Y Scarlets yn arwyddo clo Yr Ariannin Tomás Vallejos o'r Harlequins

Mae Tomás Vallejos wedi chwarae yn Yr Eidal hefyd

Mae'r Scarlets wedi arwyddo clo Yr Ariannin, Tomás Vallejos, o'r Harlequins ar drothwy tymor 2012-13.

Vallejos, 27 oed, yw'r cyntaf o'r Ariannin i arwyddo ar gyfer un o ranbarthau Cymru.

Mae o wedi ennill un cap rhyngwladol ac fe fydd yn ymuno â George Earle o Dde Affrica.

Daw'r ddau i'r rhanbarth ar ôl i dri o'r ail reng adael y Scarlets.

Mae Lou Reed wedi mynd at y Gleision tra bod Damian Welch a Dominic Day wedi gadael am Gaerwysg a Chaerfaddon.

Chwaraeodd Vallejos am y tro cyntaf dros ei wald yn erbyn Georgia yng Nghwpan y Byd 2011 yn Seland Newydd.

Mae o hefyd wedi chwarae i dîm Parma yn Yr Eidal.

"Rydym yn credu y gallwn ddod â dimensiwn newydd i'r ail reng," meddai prif hyfforddwr y Scarlets, Simon Easterby.

"Rydym eisiau chwaraewyr sy'n iawn i ni fel clwb yn ogystal ag ategu at y rhai sydd ganddo ni eisoes.

"Mae Vallejos yn wych fel blaenwr yn y llinellau ac yn chwaraewr athletaidd."