Heddlu'n enwi dynes fu farw mewn gwrthdrawiad

9 Ionawr 2015

Mae dynes fu farw yn dilyn gwrthdawiad yng Nghasnewydd ddydd Gwener wedi cael ei henwi gan yr heddlu.

Roedd Xana Doyle yn 19 oed ac yn byw yn y ddinas. Mae dau ddyn, 20 oed a 21 oed, wedi eu harestio ar amheuaeth o achosi marwolaeth drwy yrru'n beryglus.

Aed â merch 15 oed o ardal Casnewydd i'r ysbyty gydag anafiadau i'w breichiau.

Digwyddodd y gwrthdrawiad am 07:07 fore Gwener. Roedd pedwar unigolyn yn teithio yn y car Toyota Avensis ar y pryd.