Geraint Thomas yn ail yn y Tour de Suisse
- Cyhoeddwyd
Gorffennodd Geraint Thomas yn ail yn y Tour de Suisse ar ôl gorfod bodloni ar y pumed safle yn y cymal olaf ddydd Sul.
Y Cymro oedd y ffefryn dros nos i gipio'r wobr gyntaf ond Simon Spilak o Slofenia aeth a hi wrth orffen 18 eiliad o flaen Thomas yn y cymal olaf yn erbyn y cloc.
Rhoddodd hynny fantais o bum eiliad i Spilak dros Thomas ar ôl y naw niwrnod o rasio.
"Mor agos ac eto mor bell, ond dyna ydi rasio beics," dywedodd Thomas ar ei gyfrif Twitter. "Diolch am y gefnogaeth yr wythnos yma."
Tom Dumoulin enillodd y cymal olaf, 18 eiliad o flaen Spilak.
Ras nesaf Thomas gyda Team Sky fydd y Tour de France, sy'n cychwyn ar 4 Orffennaf. Bydd disgwyl i Thomas gefnogi ymgais Chris Froome i ennill y ras am yr ail dro.