Cyngor Ceredigion yn gwahardd llusernau
- Cyhoeddwyd
Pleidleisiodd cynghorwyr yn unfrydol o blaid y gwaharddiad
Mae Cyngor Ceredigion wedi gwahardd pobl rhag rhyddhau llusernau i'w awyr o draethau a thir sy'n berchen i'r cyngor.
Fe wnaeth cynghorwyr bleidleisio yn unfrydol i gyflwyno'r gwaharddiad oherwydd pryder am berygl i dir, bwyd gwyllt ac anifeiliaid fferm.
Y cynghorydd Mark Strong gynigodd y mesur a chafodd ei eilio gan y cynghorydd Catrin Miles.
Yn Hydref 2013 fe wnaeth Llywodraeth Cymru alw ar gynghorwyr i wrthwynebu'r arferiad, heb fynd mor bell a galw am waharddiad llwyr.