Abertawe yn arwyddo Roque Mesa o Las Palmas am £11m
- Cyhoeddwyd
Roque Mesa (chwith) yn cystadlu am y bêl gyda Luis Suarez
Mae Abertawe wedi cadarnhau eu bod wedi arwyddo'r chwaraewr canol cae Roque Mesa o Las Palmas am £11m.
Mae wedi arwyddo cytundeb pedair blynedd yn Stadiwm Liberty, a bydd yn ymuno a gweddill y garfan ddydd Llun.
Y Sbaenwr 28 oed yw'r trydydd chwaraewr drytaf yn hanes y clwb, y tu ôl i Borja Baston a Wilfried Bony.
Mesa yw'r trydydd chwaraewr i'r Elyrch arwyddo'r haf hwn, yn dilyn yr ymosodwr Tammy Abraham a'r golwr Erwin Mulder.