Tywydd gaeafol yn arwain at gau dros 230 o ysgolion

Eira Llanberis

Eira ar stryd fawr Llanberis fore Mawrth

Cafodd dros 230 o ysgolion eu cau yn y gogledd a'r gorllewin ddydd Mawrth, wedi i eira ddisgyn mewn sawl ardal.

Fe rybuddiodd yr heddlu fod nifer o ffyrdd yn beryglus hefyd, gan gynnwys yr A55 rhwng Ynys Môn i Wrecsam.

Mae rhybudd am gawodydd o eira yn dal mewn grym ar gyfer y rhan fwyaf o'r wlad.

Mae'r rhybudd melyn - byddwch yn barod - yn berthnasol tan 23:55, ac yn debygol o effeithio ar bob sir yn y wlad.

Grey line

Cafodd dros 230 o ysgolion eu cau ddydd Mawrth - y rhan fwyaf o'r rheiny yn y gogledd.

Gwefannau'r cynghorau:

Ceredigion

Conwy

Dinbych

Fflint

Gwynedd

Powys

Ynys Môn

Cafodd holl gampysau Coleg Menai eu cau, ac roedd Coleg Meirion-Dwyfor ynghau i ddysgwyr ond ar agor i staff.

Grey line

Disgwyl mwy o eira

Dywedodd awdurdodau lleol Cymru wrth BBC Cymru eu bod yn hyderus fod eu cyflenwadau halen yn ddigonol er mwyn graeanu'r ffyrdd dros y dyddiau nesaf.

Cyhoeddodd y Swyddfa Dywydd rybudd melyn o ragor o eira dros nos nos Fercher a dydd Iau.

Nid yw’r post yma ar Twitter yn gallu ymddangos yn y porwr. Os gwelwch yn dda defnyddiwch Javascript neu geisio eto ar borwr gwahanol.Gweld y cynnwys gwreiddiol ar Twitter.
Nid yw'r BBC yn gyfrifol am gynnwys safleoedd allanol
I osgoi neges twitter gan Geraint Tudur

Caniatáu cynnwys Twitter?

Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter a pholisi preifatrwydd cyn derbyn. Er mwyn gweld y cynnwys dewiswch ‘derbyn a pharhau’.

Nid yw'r BBC yn gyfrifol am gynnwys safleoedd allanol
Eira Dinas

Golygfa cerdyn Nadolig yn Dinas, Caernarfon fore Mawrth

Rhybuddiodd prif weithredwr elusen i'r digartref yng Nghaerdydd y gallai pobl farw yn yr oerfel dros y dyddiau nesaf.

Ond mae cynghorau Caerdydd, Casnewydd a Gwynedd wedi dweud eu bod eisoes yn cymryd camau i roi cymorth i'r digartref mewn tywydd garw.

Mae Iechyd Cyhoeddus Cymru wedi galw ar bobl i ofalu am gymdogion bregus yn ystod y tywydd oer.

Straeon perthnasol