Tân yn effeithio ar rai o wasanaethau trenau yn y Gogledd
- Cyhoeddwyd
Mae rhai o wasanaethau trên yn y Gogledd wedi'u heffeithio oherwydd tân yng Ngorsaf rheilffordd Cyffordd Llandudno fore Sadwrn.
Fe gafodd y Gwasanaeth Tân eu galw i'r orsaf toc wedi 07:00 y bore.
Does neb wedi eu hanafu yn y digwyddiad.
Mae Trenau Arriva Cymru wedi cadarnhau na fydd trenau yn stopio yng Nghyffordd Llandudno am y tro.
Mae gwasanaethau o Gaergybi, Cyffordd Llandudno i Canol Caerdydd, Blaenau Ffestiniog, Birmingham New Street, Manchester Piccadilly a Euston yn Llundain i gyd wedi eu heffeithio.