Adran Dau: Casnewydd 2-1 Accrington Stanley

Frank Nouble sgoriodd ail gôl Casnewydd wedi 85 munud

Roedd dwy gôl gan Padraig Amond a Frank Nouble yn ddigon i ennill buddugoliaeth i Gasnewydd yn erbyn tîm sydd eisoes wedi sicrhau dyrchafiad.

Aeth Casnewydd ar y blaen ar ôl i Amond lwyddo i daro ergyd bwerus heibio'r golwr wedi 30 munud.

Daliodd Casnewydd eu tir yn erbyn y tîm sydd chwe phwynt yn glir ar frig y tabl, cyn i Nouble ddyblu'r fantais wedi 85 munud.

Llwyddodd Billy Kee, prif sgoriwr yr adran, i daro nôl i'r ymwelwyr yn ystod amser ychwanegol ond roedd hi'n rhy hwyr i'r ymwelwyr.

Mae Casnewydd yn codi i'r 13eg safle yn Adran Dau yn dilyn y fuddugoliaeth.