Sir Northampton yn trechu Morgannwg yn hawdd
- Cyhoeddwyd
Batiwr Awstralia, Usman Khawaja oedd yr unig chwaraewr i greu argraff i Forgannwg
Cafodd Morgannwg gweir gan Sir Northampton yng Nghaerdydd wrth i'r ymwelwyr selio buddugoliaeth hawdd gyda hanner diwrnod yn weddill.
Gyda Northants angen chwe wiced ar y diwrnod olaf, gobaith gorau'r tîm cartref oedd batio trwy'r dydd am gêm gyfartal.
Llwyddodd yr ymwelwyr i fowlio Morgannwg allan am sgôr o 200, gan olygu eu bod wedi ennill o 233 rhediad.
Unwaith eto, Usman Khawaja oedd unig fatiwr Morgannwg i greu unrhyw argraff gyda sgôr o 38, tra bo troellwr Northants, Seekkuge Prasanna wedi cymryd pedair wiced am 49 rhediad.