Y Bencampwriaeth: Abertawe 1-0 Preston North End
- Cyhoeddwyd
Peniad Fulton yn rhoi buddugoliaeth adref i'r Elyrch
Roedd yna fuddugoliaeth i'r Elyrch adref ar Stadiwm y Liberty ddydd Sadwrn wrth iddynt drechu eu gwrthwynebwyr Preston North End o un gôl i ddim.
Jay Fulton a sgoriodd yr unig gôl a hynny wedi peniad celfydd ar ôl 32 munud - hynny yn wobr gysur wedi i Oli McBurnie fethu cic o'r smotyn.
Roedd yna ymgais bellach gan McBurnie yn yr ail hanner ond methiant fu ymgais y gŵr sydd wedi sgorio 10 gôl mewn 17 ymddangosiad diweddar.
Y sgôr ar yr hanner oedd 1-0 ac felly roedd y canlyniad ar ddiwedd y gêm.
Dyma ail fuddugoliaeth o'r bron i'r Elyrch yn y Bencampwriaeth.