Carcharu aelodau o giang 'spice' o Wrecsam
- Cyhoeddwyd
Roedd yr heddlu wedi bod yn gwylio'r eiddo yn Rhodfa Churton
Mae giang cyffuriau oedd yn cyflenwi defnyddwyr y cyffur 'spice' yn Wrecsam wedi eu carcharu am gyfanswm o dros 10 mlynedd.
Cred Heddlu Gogledd Cymru mai'r arweinydd Josh Partyka, 26, a gweddill y grŵp oedd prif gyflenwyr spice yn y dre.
Clywodd Llys y Goron yr Wyddgrug fod y grŵp wedi defnyddio sied ardd yn Rhodfa Churton ar gyfer gwneud y cyffur.
Roedd y sied yn cael ei ddefnyddio i gynhyrchu Spice
Yn ogystal â defnyddwyr yn Wrecsam clywodd y llys fod Partyka hefyd yn cyflenwi carcharorion yng ngogledd orllewin Lloegr.
Dywedodd y Barnwr Rhys Rowlands fod tre' Wrecsam wedi cael enw drwg wrth i bobl oedd yn gaeth i'r cyffur gerdded o gwmpas canol y dre fel "zombies".
Josh Partyka a Lorna Jones
Danny Jones a James Dunn
Cafodd Partyka ei garcharu am chwe blynedd. Dedfryd Danny Jones, 20 oed, oedd dwy flynedd mewn uned troseddwyr ifanc gyda Lorna Jones, 26 oed, yn cael dedfryd carchar o ddwy flynedd wedi gohirio. Cafodd James Dunn, 42 oed, ei garcharu am ddwy flynedd ac wyth mis.
Clywodd y rheithgor fod y giang wedi gwerthu cyffuriau gwerth miloedd o bunnoedd, gyda Lorna Jones wedi talu £25,000 i'w chyfrif personol er ei bod yn ddi-waith ac yn derbyn budd-dal.