Y Bencampwriaeth: Abertawe 2-1 Sheffield Wednesday
- Cyhoeddwyd
Wayne Routledge sgoriodd y gôl fuddugol
Daeth Bersant Celina o'r fainc ar ôl 65 munud i sgorio un gôl a chreu un arall wrth i Abertawe frwydro nôl i sicrhau buddugoliaeth ddramatic yn erbyn Sheffield Wednesday.
Roedd yr Elyrch ar ei hol hi ar ôl i Marco Matias fanteisio ar flerwch yn yr amddiffyn.
Ond pum munud ar ôl dod ar y cae fe wnaeth Celina ergydio yn gelfydd i'r rhwyd.
Munud yn ddiweddarach, fe wnaeth ei bas ryddhau Wayne Routledge i ergydio'r gôl fuddugol drwy goesau'r golgeidwad Cameron Dawson.
Mae'r fuddugoliaeth yn golygu fod Abertawe yn codi i'r nawfed safle yn y Bencampwriaeth, pedwar pwynt y tu allan i'r safleoedd ailgyfle.