Rhybudd tywydd melyn am rew dros Gymru

Bydd y rhybudd melyn yn effeithio ar Gymru gyfan

Mae'r Swyddfa Dywydd wedi cyhoeddi rhybudd tywydd melyn am rew dros Gymru.

Bydd y rhybudd yn dod i rym 22.00 nos Fercher ac yn dod i ben fore Iau am 11.00.

Bydd y rhybudd yn effeithio ar Gymru gyfan wrth i'r tymheredd gostwng dros Brydain.

Mae'r Swyddfa Dywydd yn rhybuddio pobl i fod yn ofalus, gan y gallai'r rhew achosi i bobl lithro yn enwedig ar strydoedd bach sydd heb gael eu trin.

Am ragor o wybodaeth am eich ardal chi ewch i wefan dywydd y BBC.