Cymeradwyo distyllfa a chanolfan ymwelwyr Penderyn
- Cyhoeddwyd
Bydd adeilad adfeiliedig yn hen safle Gwaith Copr Hafod Morfa yn cael ei adnewyddu
Mae cynlluniau i ehangu cwmni wisgi gyda distyllfa a chanolfan ymwelwyr newydd wedi cael eu cymeradwyo.
Bydd cwmni Penderyn yn ailddatblygu adeilad adfeiliedig yn hen safle Gwaith Copr Hafod Morfa yn Abertawe.
Mae'r busnes o Aberdâr yn gobeithio dechrau'r gwaith adeiladu ar ddiwedd y flwyddyn, gyda'r nod o agor y safle newydd erbyn 2022.
Fe wnaeth Cronfa Treftadaeth y Loteri gyfrannu £3.75m tuag at y prosiect.
Llun artist o sut y bydd yr adeilad gorffenedig yn edrych