Pedwar yn yr ysbyty wedi gwrthdrawiad difrifol ar yr A55
- Cyhoeddwyd
Roedd rhan o'r ffordd ar gau am ddwy awr yn dilyn y gwrthdrawiad
Mae pedwar o bobl wedi cael eu cludo i'r ysbyty wedi gwrthdrawiad difrifol rhwng tri cherbyd ar yr A55 yn Sir y Fflint.
Cafodd y gwasanaethau brys eu galw i'r digwyddiad ger Pentre Helygain am 08:21 fore Iau.
Fe wnaeth ambiwlans awyr ymateb i'r gwrthdrawiad rhwng lori a dau gar, ac fe gafodd pedwar o bobl eu cludo i Ysbyty Glan Clwyd, Bodelwyddan.
Bu'n rhaid cau'r lôn ddwyreiniol am ddwy awr.