Adran 2: Northampton 1-0 Casnewydd

Fe wnaeth yr eilydd Joe Powell sgorio gôl hwyr ddramatig i sicrhau buddugoliaeth i Northampton yn erbyn Casnewydd.

Ergydiodd Powell o 30 llath ar ôl 88 munud.

Jamille Matt ddaeth agosach at sgorio i Gasnewydd, ei beniad yn yr hanner cyntaf yn taro'r bar.

Daeth cyfle arall iddo wedi'r hanner, ond y tro hwn aeth ei ymdrech dros y bar.

Golygai'r canlyniad fod Casnewydd yn gostwng i safle 13 yn yr Ail Adran.