Ben Davies yn ymuno â charfan Cymru

Doedd Aaron Ramsey a Ben Davies ddim yn rhan o garfan gwreiddiol Cymru

Bydd Ben Davies yn ymuno â charfan Cymru ar gyfer gemau rhagbrofol Euro 2020 yn erbyn Croatia a Hwngari.

Doedd Davies ddim yn rhan o garfan wreiddiol Ryan Giggs oherwydd anaf, gyda'i glwb yn dweud y byddai angen llawdriniaeth yn syth ar ôl rownd derfynol Cynghrair y Pencampwyr nos Sadwrn.

Penderfynodd ei glwb, Spurs, i ohirio'r llawdriniaeth yn dilyn asesiad o'r anaf ar ôl y gêm dros y penwythnos.

Bydd Cymru'n teithio i Groatia ar 8 Mehefin cyn mynd ymlaen i Hwngari ar 11 Mehefin.