Y Bencampwriaeth: Abertawe 2-1 Hull
- Cyhoeddwyd
Gôl Borja Bastón ddaeth ag Abertawe yn gyfartal
Steve Cooper oedd yn drech yn y frwydr rhwng dau o reolwyr newydd y Bencampwriaeth, gydag Abertawe yn curo tîm Grant McCann 2-1 yn y Liberty.
Daeth y fuddugoliaeth i Cooper, cyn hyfforddwr tîm dan 17 Lloegr, diolch i adfywiad Abertawe wedi dechrau siomedig.
Fe aeth Hull ar y blaen ar ôl dim ond tri munud, Daniel Batty yn rhwydo.
Os mai tri munud y bu'n rhaid i Batty aros, mae Borja Bastón wedi aros tair blynedd i sgorio i'r Elyrch.
Ei beniad o wedi 48 munud ddaeth a'r timau yn gyfartal gyda gôl Mike van der Hoorn yn sicrhau'r fuddugoliaeth dim ond dau funud yn ddiweddarach.