Diffyg rhaglen newyddion S4C yn 'annerbyniol' i'r Llywydd

Elliw Gwawr yn cyflwyno bwletin estynedig 18:00 nos Fawrth

Y gohebydd seneddol Elliw Gwawr yn cyflwyno digwyddiadau'r dydd o San Steffan ar ddechrau bwletin estynedig 12 munud o hyd am 18:00 nos Fawrth

Mae Llywydd y Cynulliad wedi beirniadu absenoldeb prif raglen newyddion arferol S4C nos Fawrth, wrth i'r sianel ddarlledu rownd derfynol y gystadleuaeth i ddewis cynrychiolydd Cymru yn Junior Eurovision.

Mewn neges ar Twitter, fe fynegodd Elin Jones anfodlonrwydd gyda'r penderfyniad yn sgil dyfarniad ysgytwol y Goruchaf Lys ddydd Mawrth bod Boris Johnson wedi torri'r gyfraith trwy atal y Senedd.

Ysgrifennodd Ms Jones: "Heno o bob noson! Dyw hyn DDIM yn dderbyniol."

Mewn ymateb i sawl cwyn tebyg ar-lein, dywedodd S4C eu bod wedi trefnu bwletin estynedig am 18:00 i adlewyrchu digwyddiadau'r diwrnod a bod yna drafodaeth hefyd ar raglen Y Byd Yn Ei Le yn ddiweddarach.

Nid yw’r post yma ar X yn gallu ymddangos yn y porwr. Os gwelwch yn dda defnyddiwch Javascript neu geisio eto ar borwr gwahanol.Gweld y cynnwys gwreiddiol ar X.
Nid yw'r BBC yn gyfrifol am gynnwys safleoedd allanol
I osgoi neges X gan Elin Jones

Caniatáu cynnwys X?

Mae’r erthygl yma’n cynnwys elfennau sydd wedi eu darparu gan X. Gofynnwn am eich caniatâd cyn eu llwytho, oherwydd fe allai wneud defnydd o cwcis a thechnolegau eraill. Efallai y byddwch am ddarllen polisi cwcis X a pholisi preifatrwydd cyn derbyn. I weld y cynnwys yma dewiswch ‘derbyn a pharhau’.

Nid yw'r BBC yn gyfrifol am gynnwys safleoedd allanol

Roedd darllediad byw Chwilio am Seren o Venue Cymru, Llandudno eisoes wedi ei drefnu, medd y sianel.

Ond mewn ymateb i'r eglurhad, dywedodd Ms Jones: "Newydd weld yr esboniad yma, a dyw hyn chwaith DDIM digon da.

"Nid yw'n dderbyniol i beidio darlledu Newyddion ar unrhyw noson. A chi wedi cael eich dal allan ar hynny ar ddiwrnod mor eithriadol â heddiw. Embaras i chi @s4c."

Ddydd Mercher, ychwanegodd Bethan Sayed AC y byddai'n ysgrifennu at S4C fel Cadeirydd y Pwyllgor Diwylliant, y Gymraeg a Chyfathrebu gan "nad yw'n dderbyniol".

Erin MaiS4C

Erin Mai o Lanrwst fydd yn cynrychioli Cymru yng nghystadleuaeth Junior Eurovision yng Ngwlad Pŵyl ym mis Tachwedd

Dywedodd y colofnydd Cris Dafis: "Gymaint ag ydw i'n mwynhau Chwilio am Seren, dyw hynny ddim yn rheswm i ganslo prif raglen newyddion y gynulleidfa Gymraeg (ar unhryw adeg, heb sôn am ddiwrnod o arwyddocâd hanesyddol).

"Mae wedi bod yn wybyddus ers dydd Llun o leia' y byddai cyhoeddiad yr Uchel Lys yn dod am 10:30 ddydd Mawrth. Penderfyniad golygyddol ofnadwy gan rywun - @BBCCymruWales neu @S4C."

Nid yw’r post yma ar X yn gallu ymddangos yn y porwr. Os gwelwch yn dda defnyddiwch Javascript neu geisio eto ar borwr gwahanol.Gweld y cynnwys gwreiddiol ar X.
Nid yw'r BBC yn gyfrifol am gynnwys safleoedd allanol
I osgoi neges X 2 gan Bethan Sayed AM/AC 🏴󠁧󠁢󠁷󠁬󠁳󠁿

Caniatáu cynnwys X?

Mae’r erthygl yma’n cynnwys elfennau sydd wedi eu darparu gan X. Gofynnwn am eich caniatâd cyn eu llwytho, oherwydd fe allai wneud defnydd o cwcis a thechnolegau eraill. Efallai y byddwch am ddarllen polisi cwcis X a pholisi preifatrwydd cyn derbyn. I weld y cynnwys yma dewiswch ‘derbyn a pharhau’.

Nid yw'r BBC yn gyfrifol am gynnwys safleoedd allanol

Ysgrifennodd Elin Young bod peidio darlledu rhaglen newyddion yn syth wedi Chwilio am Seren "yn benderfyniad hollol drychinebus" ac mae "rhaglen am David Cameron" oedd Y Byd Yn Ei Le "nid trafodaeth ar yr hyn sydd wedi digwydd heddi yw cynnwys y rhaglen hon".

Ychwanegodd: "Ma'r hyn sydd wedi digwydd heddi yn hanesyddol ac yn bwysig. Gellir dwi'n perffeth sicr fod wedi ail amserlenni.

Awgrymodd Ceris Gruffudd: "Gallech fod wedi darlledu @Newyddion9 am 9:30 Siomedig @S4C. Ddim digon da."

Nid yw’r post yma ar X yn gallu ymddangos yn y porwr. Os gwelwch yn dda defnyddiwch Javascript neu geisio eto ar borwr gwahanol.Gweld y cynnwys gwreiddiol ar X.
Nid yw'r BBC yn gyfrifol am gynnwys safleoedd allanol
I osgoi neges X 3 gan S4C 🏴󠁧󠁢󠁷󠁬󠁳󠁿

Caniatáu cynnwys X?

Mae’r erthygl yma’n cynnwys elfennau sydd wedi eu darparu gan X. Gofynnwn am eich caniatâd cyn eu llwytho, oherwydd fe allai wneud defnydd o cwcis a thechnolegau eraill. Efallai y byddwch am ddarllen polisi cwcis X a pholisi preifatrwydd cyn derbyn. I weld y cynnwys yma dewiswch ‘derbyn a pharhau’.

Nid yw'r BBC yn gyfrifol am gynnwys safleoedd allanol

Dywedodd llefarydd ar ran S4C: "Mae S4C yn parchu ein gwasanaeth newyddion yn fawr ac mae'n rhan allweddol o ddarpariaeth y sianel.

"Yn ogystal, mae digwyddiadau byw hefyd yn holl-bwysig i'n gwylwyr ac yn ein galluogi i gyrraedd cynulleidfa ehangach.

"Bu trefniadau mewn lle ers misoedd lawer ar gyfer ffeinal byw Chwilio am Seren: Junior Eurovision a byddai wedi bod yn amhosib ail amserlennu'r rhaglen hon ar y funud olaf.

"Yn sgil newyddion y dydd fe ymestynwyd bwletin newyddion 6 o'r gloch i slot chwarter awr o hyd ac fe addaswyd rhaglen Y Byd yn ei Le i gynnwys cyfweliadau amserol oedd yn ymateb i'r newyddion.

"Bydd symud ein prif raglen newyddion i 7:30 y nos yn ein galluogi i sichrau gwell cysondeb i'r gwasanaeth holl-bwysig hwn gan hefyd barhau i gynnal digwyddiadau byw o fewn ein prif amserlen."

Dywedodd llefarydd ar ran BBC Cymru mai "mater i S4C ydy unrhyw benderfyniadau ynglŷn ag amserlennu".

Straeon perthnasol