Terfysgwr Llundain: Cysylltiadau â Chaerdydd

Cafodd Usman Khan ei ryddhau o'r carchar yn 2018

Mae'r dyn oedd yn gyfrifol am yr ymosodiad terfysgol yn Llundain ddydd Gwener yn gyn garcharor oedd wedi ei gael yn euog o droseddau terfysgol oedd a chysylltiadau â Chaerdydd.

Roedd Usman Khan, 28 wedi ei ryddhau a'r drwydded o'r carchar pan ddigwyddodd yr ymosodiad lle cafodd dyn a dynes eu llad, a thri arall eu hanafu.

Cafodd Khan ei saethu'n farw gan yr heddlu

Yn 2012 fe'i cafwyd yn euog o droseddau terfysgol. Clywodd llys ar y pryd fod yr heddlu a swyddogion MI5 wedi bod yn dilyn gweithgareddau grŵp o Stoke-on-Trent, Llundain a Chaerdydd.

Roedd y cynllunwyr, gan gynnwys tri dyn o Gaerdydd, wedi trafod ymosod ar y Gyfnewidfa Stoc yn Llundain a thafarndai yn Stoke.

Usman Khan (pedwerydd o'r chwith), gyda chynllwynwyr eraill ym Mharc y Rhath, Caerdydd ar 7 Tachwedd 2010

Cafodd y dynion gan gynnwys Khan eu harestio yn 2010.

Fe'i gwelwyd yn cwrdd â'i gilydd ym Mharc y Rhath, Caerdydd ar 7 Tachwedd 2010 i drafod eu cynllun

Clywodd achos llys yn 2012 iddynt hefyd gwrdd ym Mharc Gwledig Cwmcarn, ger Caerffili ar 12 Rhagfyr 2010 i drafod gosod bomb yn y gyfnewidfa stoc.

Yn wreiddiol cafodd Khan a dau arall ddedfrydau diamod am eu rhan yn y cynllwyn, ond cafodd y ddedfryd ei newid ar apêl.

Dywedodd Neil Basu, Dirprwy Gomisiynydd Heddlu'r Met i Khan gael ei ryddhau o'r carchar yn Rhagfyr 2018.

"Yn amlwg, un o'r prif gwestiynau i'r ymchwiliad sy'n cael ei gynnal nawr yw i wybod sut a pam iddo weithredu fel hyn," meddai.