Y Bencampwriaeth: Caerdydd 0-2 Fulham
- Cyhoeddwyd
Fulham sydd â'r fantais dros Gaerdydd yn rownd gyn-derfynol gemau ailgyfle'r Bencampwriaeth wedi buddugoliaeth yn y cymal cyntaf.
Dwy gôl yn yr ail hanner sicrhaodd buddugoliaeth haeddiannol i Fulham gyda'r Adar Gleision yn wynebu tasg anodd yn yr ail gymal os ydynt am gyrraedd y rownd derfynol.
Yn ystod hanner cyntaf di-sgôr Robert Glatzel gafodd cyfleoedd gorau Caerdydd ac fe aeth Tom Cairney yn agos at roi Fulham ar y blaen cyn yr egwyl.
Pedair munud i mewn i'r ail hanner, yr ymwelwyr aeth ar y blaen drwy gôl unigol wych gan Josh Onomah.
Seliwyd y fuddugoliaeth yn yr amser ychwanegwyd ar gyfer anafiadau ar ddiwedd y gêm gyda Neeskens Kebano yn rhwydo.
Bydd y timau'n cwrdd yn yr ail gymal yn Craven Cottage nos Iau gyda'r enillwyr yn wynebu Abertawe neu Brentford yn y rownd derfynol yn Wembley ar 4 Awst.