Rhybudd melyn o dywydd garw dros y penwythnos

Mae'r Swyddfa Dywydd wedi cyhoeddi rhybudd melyn ar gyfer glaw trwm yng Nghymru ar gyfer dydd Sadwrn a dydd Sul.

Mae'r rhybudd - sy'n dod i rym am 03:00 fore Sadwrn - hefyd yn cyfeirio at wyntoedd cryfion.

Gallai dŵr ar y ffyrdd wneud amodau gyrru yn anodd, gyda phosibilrwydd y bydd rhai ffyrdd yn cau.

Os daw llifogydd, mae'r rhybudd yn dweud y gallai trafnidiaeth gyhoeddus weld oedi neu ganslo, ac er fod llifogydd mewn cartrefi a busnesau yn annhebygol mae hynny hefyd yn bosibilrwydd.

Bydd sawl man yn gweld rhwng 25-50mm o law yn disgyn.

Bydd y rhybudd melyn yn para mewn grym tan 18:00 ddydd Sul